یہ علم کا مقام ہے، یہ مرکز البلاغ ہے
یہ فائز المرام ہے، یہ مرکز البلاغ ہے

شعورِ آگہی کدہ، علوم کا چراغ ہے
سلف کا یاں پیام ہے، یہ مرکز البلاغ ہے

ہمارا مدرسہ ہے یہ اِسی کے خوشہ چیں ہیں ہم
گراں قَدَر انعام ہے، یہ مرکز البلاغ ہے

ہے سنت وکتاب بھی جواہر و فنون بھی
ضیائے صبح و شام ہے، یہ مرکز البلاغ ہے

محافظانِ، پاسبانِ دیں بنا دے رَبَّنا
اصولِ دین عام ہے، یہ مرکز البلاغ ہے

یہ ایک تربیت کدہ ہے مخزن العلوم ہے
سبھی کا احترام ہے، یہ مرکز البلاغ ہے

نبی کی طرزِ زندگی، سلف کا طرزِ فکر ہو
یہی ہدف تمام ہے، یہ مرکز البلاغ ہے

اے رب! چمن سنواردے، بہار دے، خزاں نہ دے
یہی دعا دَوام ہے، یہ مرکز البلاغ ہے

نبی کی سنتیں ہمیں، ہوں جان سے عزیز تر
طلب نبی کا جام ہے، یہ مرکز البلاغ ہے

مُحَرّر واساتذہ وبانیِ چمن کو بھی
ظَفَرطَلب مُدام ہے، یہ مرکز البلاغ ہے

کلام: سعیدالرحمٰن عزیز سلفی حفظہ اللہ
مئی 16، 2023 بروز منگل یہ اشعار مکمل ہوئے الحمد للہ
نظر ثانی: شیخ ثناء اللہ صادق ساگر تیمی حفظہ اللہ، مترجم: مسجدِ حرام مکہ مکرمہ سعودی عرب